Preziada collega e prezià collega nov Dacurt has Ti cumenzà a lavurar tar il Radio u tar la Televisiun Rumantscha. Forsa has Ti er gia udì ch’i dat en nossa chasa in sindicat: il sindicat svizzer per ils meds da massa (SSM), ina organisaziun svizra. 

Tgi è l’SSM? L’SSM è l’organisaziun da persunal decisiva per ils collavuraturs e per las collavuraturas da l’SRG SSR idée suisse e da sias uniuns affiliadas (p.ex. TPC). En mintga studio datti gruppas u almain ina sut-gruppa. L’SSM ha er commembers e commembras tar ils radios locals, tar emetturs privats u tar firmas da video privatas. La gruppa da Cuira dumbra actualmain circa 60 commembers e commembras.

 

Tgè fa l’SSM? L’SSM contractescha cun il patrun sur da pajas, temp da lavur, vacanzas, protecziun cunter la desditga e.a. Tut chaussas che pertutgan er Tai. L’SSM gida ses commembers tar conflicts al plaz da lavur e sch’i fa da basegn survegns Ti er protecziun giuridica gratuita. Tgi che ha problems cun ses contract u cun ses schef/sia scheffa po sa drizzar a la suprastanza ubain al secretari da la gruppa.

 

Tgè sa in commember/commembra far? L’SSM fa da temp en temp radunanzas nua ch’i vegn discutà ils problems actuals. Ina giada l’onn datti ina radunanza generala nua ch’i vegn er elegì la suprastanza da la gruppa. Commembers e commembras che vulessan s’engaschar èn bainvegnids.

 

Per savair ademplir nossas incumbensas en favur da la communitad duvrain nus natiralmain raps. La commembranza custa tut tenor la paja tranter 26 e 50 francs/mais. Ils custs d’execuziun (Vollzugskostenbeitrag, 13.--/mais) vegnan mess a quint a tut ils collavuraturs ed a tut las collavuraturas. Als commembers ed a las commembras da l’SSM vegnan quels custs scuntrads cun la contribuziun.

 

Nus vessan plaschair sche Ti savessas ta decider da daventar commember da l’SSM. Pli blers commembers e commembras che l’SSM ha e pli persvadent che nus pudain dumandar noss dretgs envers noss patrun.

 

Gruppa Cuira da l’SSM